ELAZ.İNFO xəbər verir ki, Menecer Ayşe Barımla bağlı istintaq çərçivəsində ifadə verən aktyorlar Halit Ergenç və Rıza Kocaoğlu “yalan ifadə vermə” ittihamı ilə mühakimə olunduqları prosesdə məhkəmə tərəfindən cəzalandırılıb.
Türkiyənin Yurd qəzeti yazır ki, Ergenç 1 il 10 ay 15 gün, Kocaoğlu isə 1 il 8 ay müddətinə azadlıqdan məhrum edilib.
İstanbul Respublika Baş Prokurorluğu tərəfindən hazırlanan iddianamədə Ergenç və Kocaoğlunun Gəzi Parkı hadisələri ilə bağlı fərari müttəhim Memet Ali Alabora ilə əlaqəsinin olub-olmaması ilə bağlı ifadələrində ziddiyyətlərin olduğu bildirilib. Bildirilib ki, şübhəlilər Alabora ilə ancaq sektoral tanışlıqlarının olduğunu iddia ediblər.
İstintaq çərçivəsində, 2013-cü ilə aid HTS baza siqnal məlumatları araşdırılıb. Hesabatda Ergenç ilə Alabora arasında 12 dəfə əlaqənin olduğu və bu ünsiyyətin Gezi Parkı dövründə cəmləndiyi müəyyən edilib. Bundan əlavə, İnformasiya Texnologiyaları və Rabitə Qurumunun hesabatında eyni kadrda şübhəlilərin Alabora ilə birlikdə Gəzi parkı etirazlarında iştirak etdiklərini göstərən görüntü və fotoşəkillərin olduğu qeyd edilib.
İddianamədə Ergenç və Kocaoğlunun menecer Ayşe Barımla bağlı istintaq zamanı şahid ifadələrində yalan danışdıqları və buna görə də “yalan şahidlik” cinayətini törətdikləri qeyd edilib. Hər iki oyunçunun 2 ildən 4 ilədək həbs cəzası tələb edilib.
Yazdı:
İlahə BAYINDIR
Leave a Reply